Kaszëbsczé warkòwnie w Miechùcënie
We strzodã 8 séwnika prôcownik najégò Mùzeùm, Róman Drzéżdżón, prowadzył w Miechùcënie warkòwnie dlô młodzëznë z Pòlsczi i Niemców na témã kaszëbsczégò jãzëka a kaszëbsczi kùlturë.
Młodi lëdze òbczas kùrsu pn. „Tandem Kaszuby” bez dwie niedzele ùczëlë sã nawzôj swòjich òjczëstëch jãzëków, kòl leżnoscë szukającë wątków, jaczé parłãczą Kaszëbów, Pòlôchów a Niemców.
Òrganizatorã „Tandemu” je GFPS-Polska Stowarzyszenie Naukowo-Kulturalne w Europie Środkowej i Wschodniej.
Za rôczbã a miłą atmòsferã òbczas zéńdzeniô serdeczno dzãkùjemë!
rd, òdj. Maja Kiedrowska
